പുഴയിലെ ഓളങ്ങൾ മണിമുത്ത് ചാർത്തുമ്പോൾ
രഹസ്യമായ് പവനൻ ഓതുന്നതെന്തേ
നിൻ കാതിൽ, പ്രിയതേ..... , പറയൂ പറയൂ
തേന്മൊഴിയാളേ എൻറെ പൂമിഴിയാളേ
(പുഴയിലെ)
പൊൻവള ചാർത്തിയ നിൻ കൈത്തണ്ടിൽ
അനുരാഗ മുത്തങ്ങളേകുവതാരോ
ചാരത്തണയുന്ന നിറമാർന്ന കിനാവുകൾ
മാടി വിളിക്കുന്നു വെൺപിറാക്കളായ്
അണയൂ അലിയൂ പ്രിയ ചന്ദ്രികേ
ഈ ഏകാന്ത രാത്രി നമുക്കുളളതല്ലയോ?
(പുഴയിലെ)
മൊട്ടുകൾ ചിരിക്കുന്നൊരീ അരിമുല്ല വല്ലിയിൽ
കുളിരിൻ പരാഗങ്ങൾ തൂകുവതാരോ
മാറത്തുലയുന്ന വർണ്ണമയിൽപ്പീലികൾ
മെല്ലെത്തഴുകുന്നൂ രാഗാർദ്രമായി
നിറയൂ ഒഴുകൂ കുളിർ തെന്നലേ
ഈ താഴ്വാരമാകെ നമുക്കുളളതല്ലയോ? (പുഴയിലെ)
Prashad Parayil
കവിതകളുടെ കൂട്ടുകാരൻ, പ്രഷാദ് പാറയിൽ. അറബിക്കടലും കായലും സംഗമിക്കുന്ന പ്രകൃതിസൗന്ദര്യം നിറഞ്ഞു നിൽക്കുന്ന തിരുവനന്തപുരം ജില്ലയിലെ ഇടവയിൽ ജനനം. അനേകം മഹത്തുക്കളെ വാർത്തെടുത്ത ഇടവ മുസ്ലിം ഹൈസ്കൂളിലെ പഠനം ജീവിതത്തെ ഒരുപാട് മാറ്റിമറിച്ചു. കവിതയുടെ ലോകത്തേക്ക് കൈപിടിച്ച് നടത്തിയ അധ്യാപകന്മാർ, സുഹൃത്തുക്കൾ, ക്ലബ്ബ്കൾ. കഴിവുകൾ തിരിച്ചറിഞ്ഞ സൗഹൃദ വളങ്ങളുടെ നിര്ബന്ധപ്രകാഹാരം ധാരാളം കവിതാമത്സരങ്ങളിലും മ