കനവിന്റെ കാലടികൾ

കനവിന്റെ കാലടികൾ
,,,,,,,,,,,,,,,,,,,,,,,,,,...,.............. സ്നേഹപരിചരണങ്ങളുടെ തെന്നലുകളെന്നേയകന്നൂ ,
ഇന്ന് വെറുപ്പിന്റെ കൊടുങ്കാറ്റുകളഴിച്ചു വിടുന്ന മൂളിച്ചകൾ മാത്രം,
കടം കൊണ്ട കാമനകൾക്കരുകിലും,
പർവ്വതാകാരമാർന്ന
പ്രതിസന്ധികൾക്കിടയിലും
മതിലുകൾ കഥ പറയുന്നതു
കാതോർത്തു നിന്നൊരു
കിനാവിന്റെ കാലടികൾ
ജീവിതത്തിരമാലയുയർത്തി മായിച്ചു കളയുന്നൂ,

അങ്ങു ദൂരെയായ് ആകാശത്തിനു മുട്ടുകൊടുക്കാനൊരു മഴവില്ല്,
തെളിയുവാൻ മഴ തോർന്നിട്ടെവിടെയെന്നറിയാതെ,
പുഞ്ചിരിയുമായി മറഞ്ഞിരിപ്പുണ്ട്,
വെള്ളം കയറിയ കൂഴച്ചക്കപോലെ,
ജീവിതം ,
അടർന്നുവീഴുന്നൂ
ചവിട്ടിത്തേക്കുവാനും
ചിക്കിയെറിയുവാനും,
എങ്കിലുമതിന്റെ സുഗന്ധമെങ്ങും
പരന്നിരിക്കുന്നൂ പരിമളമായി,
മറന്നു പോകുന്ന ഓർമകളിലേക്ക്
കടന്നുവരാറുള്ള വേറിട്ട ചിന്തകളൊകെയും . മാറാല കെട്ടി വലിഞ്ഞിരിക്കുന്നു,
നമ്മൾ സ്നേഹത്തിന്റെ കൊടുമുടി താണ്ടേണ്ടവർ,
സഹനത്തിന്റെ മുൾപ്പാത കടക്കേണ്ടവർ,,
പരസ്പരം ഇടറി വീഴാതെ കൈ ,കൊരുക്കേണ്ടവർ
എന്നിട്ടുമെവിടെയോ
ദിശാബോധമകന്ന്
നമ്മളകന്നു പോകുന്നു
പാളങ്ങൾ പോലെ....