പകലുറക്കത്തിൽ സംഭവിക്കുന്നത്‌

++++ പകലുറക്കത്തിൽ 

                     സംഭവിക്കുന്നത്   ++++

            """"""""""""""""""""""""""""""""""

സ്വപ്നരഥമേറി ആയിരമശ്വമേധം ജയിച്ചവനാണ് ഞാന്‍ 

നിദ്രയിലാഴ്ന്നു നിശബ്ദമൊരായിരം

പോർമുഖം തീർക്കുവോൻ

കർമ്മപഥങ്ങളിലുഷ്ണ്ണ മേഘങ്ങളായി

വെന്തുമരിച്ചൊരെന്നോമൽ കിനാവുകൾ..,

നിദ്രപൂകുന്ന നേരത്തു നിലാവിന്റെ സ്വപ്നരഥമേറി തിരികെ പിടിക്കുവോൻ

പൂർവ്വദേശത്തിന്റെ പച്ചയിൽ..,നന്മയിൽ പേരെഴുതാതെ ഭാഗഭാക്കായവർ

സ്വപ്നരഥമേറിയെത്തുന്നു നിത്യവുമെന്ന

ഗാധ നിദ്രതൻ മധ്യയാമങ്ങളിൽ

തൽക്ഷണമവരെന്നെ ഒരുക്കുന്നു

കൈപിടിച്ചെങ്ങോ നയിക്കുന്നു

നിശബ്ദമെരു പോരാളിയാകുവാൻ

യുദ്ധമുഖങ്ങളിൽ പങ്കാളിയാക്കുവാൻ

ഒറ്റമുലയുള്ള പെണ്ണുടൽ മുന്നിലായി

രക്തദാഹം പൂണ്ടുറഞ്ഞാടവെ

പിന്നില്‍ നിരനിരയായങ്ങനെനിൽക്കുന്നു...,

കറുത്തുമെലിഞ്ഞ  ചിലനിശബ്ദ രൂപങ്ങ...,

മിഴികളിൽ സൂചിമുനകോർത്തവർ

പിറന്ന മാത്രയിൽ മരിച്ചവർ..........,,

പിന്നിലായി വനെന്നെ മുന്നോട്ടുതള്ളുന്നു

പിറന്നനാട്ടിൽ വിരുന്നുകാരായവർ

മുന്നേഗമിച്ചെന്റെ വഴിയൊരുക്കുന്നു

ഉടുതുണിക്കായി ഉറക്കെകരഞ്ഞവർ

ആയുധം രാകി മൂർച്ചകൂട്ടുന്നു

കറുത്തയുഗം കടന്നെത്തിയ കുതിരകൾ...,

കരുത്തരാണിവർ  സമരമുഖങ്ങളിൽ

യുദ്ധംതുടങ്ങിയ മാത്രയിൽതന്നെ

കറുപ്പുകലർന്നൊരാ കരുത്തിൻകുളമ്പടി..,

വിശ്വം ജയിച്ചൂ............,,അശ്വമേധം ജയിച്ചൂ

തോളോടുതോൾ ചേര്‍ന്നു ഞങ്ങള്‍ 

നേടിയ യുദ്ധവിജയങ്ങളാഘോഷമാകവെ

നിദ്രഉണർന്നെന്നിൽ സ്വപ്നം മുറിഞ്ഞു

മിഴികൾതുറന്നു ഞാനെന്നെയറിഞ്ഞു.......?

സ്വപ്നരഥമേറി ആയിരമശ്വമേധം ജയിച്ചവനാണ് ഞാന്‍

         ലിനീഷ് ലാൽ മാധവദാസ്