ചുമരുകൾ

പദനിസ്വരം
താളം മീട്ടിയ നാൾമുതൽ
കൂട്ടുണ്ടെനിക്കാ ചുമരുമായ്.....
എൻ ശേഖരമുറിയായ്
കൗതുകങ്ങളെ സൂക്കഷിച്ചവളാണവൾ;
കറുപ്പ് പൊട്ടണിഞ്ഞാ- ക്കുന്നിക്കുരുവും
മാനം കാണാ മയിൽപീലിയും
ഒരു പിടി മഞ്ചാടിയും.......
എൻ ആദ്യ സമ്പാദ്യത്തിൻ
ഒളിതാവളമാം ചുമരുകളിൽ
ധൃതി തോളേറി തീർക്കപ്പെട്ട
ചിത്രകലകളുണ്ട്....
കൻമഷിയാലും സിന്ദൂരചോപ്പിനാലും
തീർക്കപ്പെട്ട ചിത്രങ്ങൾ......
അക്ഷരക്കൂട്ട് എന്നിൽ വിതറിയ
ലഹരി
പുസ്തകമായ് പരിണമിച്ചപ്പോൾ
ആ ചുമരുകൾ
അവയേയും ഏറ്റുവാങ്ങി
ഒടുവിൽ,
സമ്പാദ്യമെന്ന പദം
പണമാണെന്ന ധാരണ
കൂട് വിട്ട് കൂട്മാറുവാൻ
എന്നേയും നിർബന്ധിച്ചു...

മറവിയുടെ കയത്തിൽ
ആ
ചുമരുകളെ തള്ളിയിട്ട്
ഞാനകന്നു...

- കീർത്തി ( ശ്രീ )