നാറാണത്ത് ഭ്രാന്തൻ

അവൻ ഭ്രാന്തൻ,
നാവ് പടവാളാക്കിയവൻ....
വികാരമാം ഭയത്തെ
നാവെന്ന വാളിനാൽ ചെറുത്തവൻ....
തോൽപ്പിച്ചന്നൊരാ ചുടലഭദ്രകാളിയേയും....
പറഞ്ഞുതോൽപ്പി_
ക്കാനാവില്ലെന്നിരിക്കെ
മേലാളൻ 'അശുദ്ധിയുടെ'
തൊട്ടുകൂടായ്മയിൽ നിന്നും
മാറ്റി നിർത്തപ്പെട്ടവൻ.....
ഉയർച്ച കഠിനപടവുകളുടേതെന്നും
വീഴ്ച നിസാരമെന്നും
മലമുകളിൽ നിന്ന് കല്ലുരുട്ടിയാ
തത്വം മാനവരെ പഠിപ്പിച്ചവൻ....
പാദത്തിലെ മുടന്തിനെ
തലോലിച്ചവൻ ...
കൂടെ കൂട്ടിയവൻ....
എല്ലില്ലാ നാവുകൊണ്ടവൻ
ഉരുവിട്ടതത്രയും ബോധമനസ്സിൻ
കളങ്കമല്ല,,,
അബോധമനസ്സിൻ സത്യങ്ങൾ......
ചരിത്രം സ്വാന്ത്ര്യചിറകിലെ 
പുരുഷന് ചാർത്തി നൽകിയ 
വാക്കിൻ ചങ്ങല....
"ഭ്രാന്തൻ"
'നാറാണത്ത് ഭ്രാന്തൻ'

- കീർത്തി ( ശ്രീ )