ഭിക്ഷ

നട്ടുച്ചവെയിലത്ത് വിശന്നുപൊരിഞ്ഞു ആ ബസ്റ്റാന്റിൽ നിൽക്കുമ്പോൾ " ചേട്ടാ വല്ലതും തായോ" എന്നു യാചിച്ചുകൊണ്ട് ഒരു കൈ എന്റെ മുൻപിൽ വന്നു. 

പോക്കറ്റിൽ തപ്പി നോക്കിയപ്പോൾ ബസ് കാശ് കഴിഞ്ഞു ആകെ  ഉണ്ടായിരുന്ന രണ്ടു രൂപ ഞാൻ അയാൾക്ക് കൊടുത്തു. പോക്കറ്റ് കാലി !

എന്നെ പുച്ഛത്തോടെ നോക്കിയിട്ട് അയാൾ നടന്നകന്നു.

കയ്യിൽ കാശില്ലാത്തതുകൊണ്ടു വിശപ്പ് സഹിക്കാനാകാതെ ഞാൻ അടുത്തുകണ്ട ഹോട്ടലിൽ കയറി ടേബിളിൽ വച്ചിരിക്കുന്ന ജഗ്ഗിൽ നിന്നും വെള്ളം മോന്തികുടിക്കുമ്പോൾ കണ്ട കാഴ്ച എന്റെ കണ്ണു നനയിച്ചു.

ആ ടേബിളിന്റെ ഒരറ്റത്ത് എന്റെ കയ്യിൽ നിന്നും ഭിക്ഷ വാങ്ങിയ ആൾ മുന്തിയ ബിരിയാണിയും ഐസ് ക്രീമും വളരെ ഗൗരവത്തിൽ കഴിക്കുന്നു. 

- രഞ്ജിത്കുമാർ. എം