കേരളം എങ്ങോട്ട്

മലയിൽ കയറുന്ന ഭ്രാന്തൻ,

അൽപം വിവശനായി നിന്നു.

പിന്നെ ഇഴഞ്ഞവൻ കയറി -

ചൊല്ലി മലനാടിനെന്തൊരു ഭംഗി.

ഉരുട്ടി കയറ്റിയ കല്ലുകൾ..

താഴെ തവിടത് പോലെ കിടപ്പു.

ഇളകാതിരിക്കുമാ പാറയിൽ,

ഭ്രാന്തൻ ഇളക്കിചിരിച്ചങ്ങിരുന്നു.

ഉച്ചയായോ എന്നുറക്കെ -

ഭ്രാന്തൻ ആദിത്യനോടായ് ഉരച്ചു.

ഉച്ചിയിൽ നിൽക്കുന്ന സൂര്യൻ,

ഭ്രാന്തനെ കണ്ടു ചിരിച്ചു.

നാട് നശിക്കുന്നു ഭ്രാന്താ -

ജീവിതം വേണേൽ കേറിവാ..

മലയിൽ കയറി ആ ഭ്രാന്തൻ,

ഇളകി ചിരിച്ചങ്ങിരുന്നു.

ഇടതു കാലിലെ വിഴുപ്പ്

വലതുകാലിലെകാക്കി

മലയിൽ കയറുന്ന ഭ്രാന്തൻ,

അൽപം വിവശനായി നിന്നു.

ഉരുട്ടി കയറ്റിയ കല്ലുകൾ..

താഴെ തവിടത് പോലെ കിടപ്പു.

രാജേഷ്.സി.കെ

ദോഹ ഖത്തർ

>